SAPAT NA SA AKIN
Tula ni Fadwa Tuqan
(Salin ng tulang Palestino)
(Malayang salin ni Gregorio V. Bituin Jr.)
Sapat na sa aking mamatay sa kanyang lupa
mailibing sa kanya
upang malusaw at maglaho sa kanyang lupa
pagkatapos ay sisibol na animo'y bulaklak
na nilalaro ng isang paslit mula sa aking bansa.
Sapat na sa akin ang manatili
sa pagkayapos ng aking bansa
na nasa kanyang sinapupupunan
bilang isang dakot ng alikabok
isang suwi ng damo
isang bulaklak.
10.03.2024
* Si Fadwa Tuqan (1917-2003) ay isa sa mga tanyag na makata ng Palestine na hindi lamang sumulat tungkol sa pag-ibig at pagkababae kundi sumulat din tungkol sa pananakop ng Israel sa Palestine.
Pinaghalawan ng tula at litrato mula sa kawing na:
Proyektong pagsasalin na balak ilunsad bilang aklat sa Nobyembre 29, 2024, International Day of Solidarity with the Palestinian People
Walang komento:
Mag-post ng isang Komento